Os xogos

Co debate de plena actualidade sobre a restrición no uso dos teléfonos móbiles nos centros de ensino, coa presenza cada vez maior dos dispositivos electrónicos nos fogares, co aumento dos problemas derivados do sedentarismo infantil, cómpre volver ao diálogo, á comunicación interpersoal, á actividade física ao aire libre… Migallas Teatro anima as nenas e os nenos a cantar, bailar e gozar coa canción “Os xogos”, que forma parte do repertorio do libro-CD-DVD “Canta connosco!”. A buxaina, os carriños de madeira, os papaventos, a billarda… hai moitas maneiras de pasalo ben coas amigas e os amigos. Porque os xogos tradicionais son a mellor alternativa ás “maquiniñas”.

Enlaces de interese:

• Ficha de Canta connosco!
• Ficha de Migallas
• Ficha de Óscar Villán