Coñécenos

KALANDRAKA é unha editorial especializada en literatura infantil e xuvenil cunha traxectoria de máis de 20 anos; un proxecto plurilingüe que publica tamén en castelán, català, euskara, portugués, italiano e inglés. Distinguida en 2012 co Premio Nacional ao Mellor Labor Editorial Cultural, o obxectivo é seguir facendo libros que emocionen e divirtan, Libros para soñar que perduren no tempo.

KALANDRAKA TV é un punto de encontro cos creadores destas obras para coñecer o seu traballo e mergullarse canda eles nos procesos creativos. Ademais, esta canle de televisión dixital permite achegarse aos lugares onde habitan os libros e ofrecer información sobre novidades editoriais, recomendacións e actividades arredor do libro e da lectura.