Contos contados

Contos contados

Outras seccións
2021-03-10T12:52:54+01:00

Quen é ese becho?

De lunares, a raias, con cen pés… Pode que o teñas visto e que te preguntaras “Quen é ese becho?”. Por iso Carmen Queralt creou este libro cunhas divertidas ilustracións. Os ‘Contos Contados' volven recibir a Paco Nogueiras para contar e cantar esta historia coa melodía do seu acordeón… e para sorprendernos cun descubrimento!

2021-01-14T13:12:09+01:00

A Cebra Camila

Desta vez non foi culpa da neve, nin do frío... O vento bandido levoulle as raias do seu vestido e por iso a Cebra Camila púxose moi triste. Os ‘Contos contados’ seguen animándonos e facéndonos compañía nestas xornadas de inverno. A nosa amiga Loli Blanco sabe como conseguir que a protagonista deste clásico de Marisa Núñez e Óscar Villán recupere o sorriso.

2021-01-13T13:21:24+01:00

Chibos Chibóns

Grande, pequeno e mediano... Os CHIBOS CHIBÓNS deste relato tradicional adaptado -e narrado- por Olalla González e ilustrado por Federico Fernández cruzan unha ponte para saborear unha herba deliciosa na outra beira do río. Pero teñen que convencer a un ogro terrible para poder pasar. Descubre como neste ‘Conto contado’ cheo de enxeño e aventura.

2021-01-12T12:58:42+01:00

O coelliño branco

Co temporal cubrindo tantos lugares con nenve, xeo e frío, os ‘Contos contados’ son o refuxio ideal para quedar na casa… e tomar un caldo ben rico! Como o que ía preparar O COELLIÑO BRANCO cando a cabra cabresa se meteu na súa casa e pechou a porta. Xosé Ballesteros recuperou este conto tradicional portugués ilustrado por Óscar Villán, que recibiu o Premio Nacional de Ilustración 1999 pola súa proposta gráfica.

Outras seccións