Actualidade

Chévere cumpre 35 anos "de axitación cultural" sobre os escenarios cunha autobiografía dialogada chea de material gráfico que abrangue a súa traxectoria, distinguida co Premio Nacional de Teatro: reflexións e anécdotas nas que non falta o humor.

Canta emoción no acto de entrega do XV Premio Internacional Compostela para Álbums Ilustrados á artista Fabiola Anchorena, celebrado no Concello de Santiago... A autora de “Esperando o amencer” tamén visitou o IES do Sar e o CIFP Compostela para compartir as claves deste libro co alumnado de Artes e de Educación Infantil.

Visitáronnos as autoras de “Paxaros”, Natacha Ortega e Lucía Franco, xunto co músico de Dragón Dorado Mauricio Gelardi, para facernos cantar e bailar con este fermoso poema-canción. En Libros para Soñar Vigo esperábaos Paco Nogueiras cunha melódica sorpresa

Coa celebración da Gala Escolas Galegas chegou á súa fin a décimo quinta edición do FIC Bueu, na que se realizaron diversas actividades arredor do cinema e se proxectaron máis dun cento de curtametraxes. Parabéns ás persoas premiadas!

Europa, África, América, Australia: a colección “Quen son? Crías de animais” segue medrando e desvelando -a través de sinxelas adiviñas- os segredos da fauna do planeta. O Tándem Seceda e a ilustradora Ester García son os artífices destes fermosos libros informativos.