A escuridade apoderouse da selva. O lume atemoriza a fauna que a habita. Pero hai luz e esperanza... "Esperando o amencer", de Fabiola Anchorena, é o XV Premio Internacional Compostela para Álbums Ilustrados: unha obra fermosa e necesaria, emocionante e dura, que nos alerta sobre os efectos devastadores dos incendios, da deforestación, do cambio climático. Un abrazo á natureza.
Comer, beber, durmir, bañarse, vestirse… “Así ou así?”, unha proposta divertida e transgresora de María Pascual de la Torre, ideal para os máis novos como lectura compartida. Porque existen outras maneiras de levar a cabo as actividades do día a día!
Tras “Balea”, Federico Fernández e Germán González presentarán este sábado o seu novo libro despregable e interactivo: con “Verme” poderemos viaxar ás profundidades da Terra cuns divertidos tripulantes. Vémonos ás 13:30h no Espazo Infantil do Culturgal!
Imprescindible, valente e comprometido cos excluídos da sociedade, “Terra de ninguén”, con texto de María José Floriano e ilustracións de Federico Delicado, é un álbum que nos amosa unha realidade invisibilizada a través da mirada doce e creativa da infancia
“Fab, o monstro amarelo” é un clásico divertido de Carme Solé Vendrell protagonizado por unha simpática criatura que esquece as súas preocupacións para axudar os demais. Unha homenaxe ao ilustrador David McKee e a algúns dos seus personaxes máis queridos.
Visitamos o CEIP As Covas-Meaño para facer entrega do Premio Kalandraka TV-Experiencias Lectoras e descubrir a importante función que desempeña a súa biblioteca. Grazas polo voso gran traballo a prol da animación á lectura!
Con texto de Pilar Hurtado e ilustracións de Luisa Rivera, “O comedor da avoa” invítanos a sentar arredor da mesa para facer unha viaxe gastronómica polo mundo a través dos aromas, sabores e pratos representativos de varios países.
“Cos brazos abertos”, de Antonio Rubio e Maria Girón, preséntanos unha escola diversa e integradora, onde nenas e nenos de diferentes procedencias conviven felices e en harmonía. Un canto á esperanza dun mundo fraterno e igualitario, onde todas e todos temos cabida.
Coa celebración da Gala Escolas Galegas chegou á súa fin a décimo quinta edición do FIC Bueu, na que se realizaron diversas actividades arredor do cinema e se proxectaron máis dun cento de curtametraxes. Parabéns ás persoas premiadas!
