Project Description

Home>Actualidade>O conto do outro día

O conto do outro día

Outros vídeos

O conto do outro día

“O conto do outro día” é un álbum ilustrado, cheo de humor e tenrura, escrito por Roberto Aliaga e ilustrado por Noemí Villamuza. Moitas familias identificaranse con esta estampa nocturna, onde os adultos e os nenos comparten historias ata que caen vencidos polo sono.

Ver máis

A noite é o instante íntimo, a antesala do sono, no que a palabra transmite afectos e calma os medos. Un neno e o seu pai constrúen un relato que os une, unha aventura chea de preguntas e respostas.

“O conto do outro día” é un libro recomendado para lectoras e lectores a partir dos 3 anos.

Roberto Aliaga (Argamasilla de Alba, Ciudad Real, 1976) é licenciado en Bioloxía e, dende 2009, dedícase á literatura infantil e xuvenil. É autor de máis de 60 libros, traducidos a numerosas linguas.

Recibiu un gran número de premios, entre os que destacan: o Lazarillo 2008, o Concurso de Narrativa Infantil Vila d’Ibi 2012, o Barco de Vapor 2017. Tamén foi seleccionado para a lista The White Ravens 2009 da Biblioteca Internacional da Xuventude (Múnic).

Noemí Villamuza (Palencia, 1971) estudou Belas Artes na Universidade de Salamanca. En 1998, publicou o seu primeiro libro. Dende entón, suma uns corenta títulos en varios países. Imparte obradoiros de ilustración na Escola Massana. Foi galardoada co Premio Junceda 2007 e finalista do Premio Nacional de Ilustración 2002.

En Kalandraka tamén ilustrou o poemario “¡A la luna, a las dos y a las tres…!”.

Outros vídeos

Libros para soñar

As palabras dos autores e dos ilustradores, as actividades de animación á lectura desenvolvidas a partir das obras, as recomendacións dos expertos, os contos favoritos dos máis pequenos… os protagonistas destes vídeos -os Libros para soñar– forman parte do catálogo de KALANDRAKA: propostas para pre-lectores, adaptacións de contos tradicionais, álbums ilustrados de nova creación, relatos, poesía, arte, natureza… Da pantalla, ás túas mans!

www.kalandraka.com