Project Description
Culturgal, Feira das Industrias Culturais de Galicia 2018
Outros vídeos
Gústache o noso contido? Compárteo!
Culturgal vén de pechar as portas da súa undécima edición en Pontevedra. A Feira das Industrias Culturais de Galicia reuniu empresas do sector do libro, da creación e da produción escénica e musical, da artesanía e das artes plásticas, presentando ante o público o máis recente da súa produción.
O stand de Kalandraka en Culturgal ambientouse coas ilustración do Premio Compostela “Cándido e os demáis”, de Fran Pintadera e Christian Inaraja. Entre as novidades destacou “Man de Camelle”, da pintora Carmen Hermo. que presentou o seu libro na compaña do crítico de arte e autor do limiar da obra, Antón Castro.
Outras presentacións foron as das coleccións Narrativa K e Vitamina N, esta última co seu coordinador e autor de “A Torre”, Antonio Sandoval, entrevistado polo crítico literario Ramón Rozas.
Polo stand de Kalandraka tamén pasaron escritores como Francisco Fernández Naval, autor de “Os contos da Avoa Pepa” e o grupo Migallas Teatro, que asinou exemplares dos libro-discos “Canta connosco” e “Pan de millo”.
A axenda de actividade de Kalandraka en Culturgal completouse cun obradoiro de creación audiovisual no que nenas e nenos convertéronse en técnicos e reporteiros de Kalandraka Televisión manexando a cámara e recomendando os seus libros preferidos. Os adultos tiveron tamén o seu propio achegamento a esta nova canle de televisión dixital sobre literatura infantil e xuvenil, percorrendo as distintas seccións da web.
Outros vídeos
- Chévere – Trinta e cinco anos de axitación culturalKTV2023-02-01T11:58:47+01:00
Chévere – Trinta e cinco anos de axitación cultural
- Entrega do XV Premio Internacional Compostela para Álbums Ilustrados – “Esperando o amencer”KTV2022-12-16T14:26:29+01:00
Entrega do XV Premio Internacional Compostela para Álbums Ilustrados – “Esperando o amencer”
Libros para soñar
As palabras dos autores e dos ilustradores, as actividades de animación á lectura desenvolvidas a partir das obras, as recomendacións dos expertos, os contos favoritos dos máis pequenos… os protagonistas destes vídeos -os Libros para soñar– forman parte do catálogo de KALANDRAKA: propostas para pre-lectores, adaptacións de contos tradicionais, álbums ilustrados de nova creación, relatos, poesía, arte, natureza… Da pantalla, ás túas mans!
