Booktrailers

“No ovo” estaban cómodos e quentiños pero o parrulo, a tartaruga, o crocodilo… foron saíndo da casca e algo estraño empezou a suceder. Unha divertida historia de Emma Lidia Squillari cunha sorpresa final.

Este sábado 27 de marzo é o #DíaMundialdoTeatro e para celebralo compartimos o booktrailer do libro “Na cola para a Arca”, unha homenaxe ao teatro como lugar de encontro. Unha divertida historia escrita por Antonis Papatheodoulou e ilustrada por Iris Samartzi. Podedes lelo en seis linguas!

Presentámosvos unha novidade que está chegando ás librarías: “Paxaros”, escrito por Natacha Ortega e ilustrado por Lucía Franco. Un poema musical onde nenas e nenos converten prazas e arboredas en espazos de xogo. Podedes acompañar a súa lectura con música, utilizando os enlaces QR que atoparedes no interior do libro. Con interpretacións musicais de Dragón Dorado, Paco Nogueiras e Dana Moya.

Recentemente deixounos un dos principais artistas contemporáneos, o xaponés Mitsumasa Anno. Creou unha importante obra gráfica, entre a que destaca “Ocultos en el bosque”, que permanecía inédito en España. Nas súas páxinas escóndense multitude de animais, camuflados na natureza. A proposta do autor é un desafío a nosa agudeza visual, intelixencia e imaxinación. Así era a súa idea da arte; un legado que permanecerá vivo con este e outros clásicos que se irán recuperando.

Achéganse unhas datas moi especiais, e queremos compartir un clásico imprescindible: "Canto de Nadal" de  Charles Dickens, ilustrado por Roberto Innocenti. Boas lecturas!