Booktrailers

“Verme” é o novo libro interactivo en formato acordeón dos autores de “Balea”, Federico Fernández e Germán González, que nos presenta un moderno aparello perforador dirixido por uns divertidos operarios. A mellor forma de viaxar polas profundidades da Terra!

Que dirá a misteriosa mensaxe que vai pasando de man en man por todo o barrio? Descúbreo en “A nota”, unha emocionante e divertida historia en formato despregable con texto de Pilar Serrano Burgos e ilustracións de Daniel Montero.

A obra “De papel”, con texto de Claudia Novaro e ilustracións de Armando Fonseca, foi finalista do XIV Premio Compostela de Álbum Ilustrado. Unha proposta poética e visual que sorprende e emociona.

O paxaro usábaa para subir aos tellados, ás árbores, ás nubes pero, necesitábaa? Volve, cun novo formato, “A escada vermella”, un divertido álbum de Fernando Pérez Hernando que nos anima a ter máis autoconfianza e a valorar a amizade.

O XIV Premio Compostela de Álbum Ilustrado lévanos ata a "Selva", onde desfrutaremos dunha aventura visual chea de imaxinación e sorpresas. Unha obra de Marina Gibert repleta de colorido e exuberante vexetación.