Actualidade

"Dous osiños" saen do seu tobo, exploran o bosque... e pérdense. Un clásico da fotoliteratura, unha tenra historia narrada a través da cámara de Ylla, unha das principais retratistas de animais do século XX.

Marina Gibert vén de recibir o XIV Premio Internacional Compostela de Álbum Ilustrado por “Selva”. A autora, cuxa obra xa está nos escaparates das librerías da cidade, compartiu as claves deste libro sen palabras con alumnado de Artes do IES do Sar e de Educación Infantil do CIFP Compostela.

“Zackarina e o Lobo de Area” é a última entrega da afamada triloxía da autora sueca Åsa Lind, ilustrada por María Elina Méndez, con tradución de Antón Lado. Unha deliciosa lectura chea de aventuras e inesquecibles experiencias.

Encontros con editores, axentes literarios doutros países, profesionais de librarías, bibliotecas, docentes... Acabamos de retornar da Feira Internacional do Libro de Frankfurt trala paréntese da pandemia. Os ‘Libros para soñar’ xa volven viaxar de novo polo mundo.

O autor e narrador Boniface Ofogo presentounos o seu novo libro, “A paso de tartaruga”, durante a súa estadía en Galicia, onde visitou centros de formación do profesorado e escolas, ademais de realizar actividades de animación á lectura con público infantil e adulto