Actualidade

O Departamento de Educación do Concello de Santiago e Kalandraka convocan o XV Premio Internacional Compostela para Álbums Ilustrados. O prazo para o envío das obras rematará o vindeiro 13 de maio. Consulta as bases na web. Anímate a participar!

“Selva”, de Marina Gibert, obra gañadora do XIV Premio Compostela, vén de ser distinguida cunha Mención Especial nos XI Premios Kirico. Unha aventura visual chea de imaxinación e sorpresas, repleta de colorido e exuberante vexetación.

“Momú, mimé, mumí, memó, estemos empopedos e non sobemos que focer!” “Chuvisca” é o novo libro de Fernando Pérez Hernando, unha divertida historia protagonizada por unha familia de aves, na que as vogais convértense nun recurso para crear un enxeñoso xogo fónico.

Despedímonos de 2021 entre #LibrosParaSoñar: os premios Compostela e Orihuela, os novos Do berce á lúa, os clásicos, os álbums de creación... e cun horizonte cheo de grandes historias. Vémonos nas librarías!

Ditos, adiviñas, cancións, poemas visuais, xogos de palabras… o divertido e enxeñoso mundo creativo de Miquel Desclot ilustrado por Christian Inaraja, en “¡A que sí!”, un libro para soñar e imaxinar, xogar e rir, cantar e observar.