Actualidade

Novas destacadas

Convocatoria do XII Premio Compostela de Álbum Ilustrado

O Departamento de Educación e Cidadanía do Concello de Santiago de Compostela, en colaboración con Kalandraka Editora, e no marco da súa XIX Campaña de Animación á Lectura, convoca o XII Premio Internacional Compostela para Álbums Ilustrados.

Con máis de 3000 proxectos presentados dende a primeira edición, este certame consolidouse como un dos premios de creación máis importantes, e varias figuras emblemáticas de LIX teñen formado parte do xurado. As obras galardoadas conforman unha colección diversa canto a temáticas, procedencias, estilos e técnicas. 

Enlaces de interese:
Convocatoria do XII Premio Internacional Compostela na web de Kalandraka Editora

Exposición de Ana Juan

No Pazo da Cultura de Pontevedra permanece aberta ata o 24 de febreiro a exposición «Ana Juan. Debuxando ao alén», unha mostra organizada por Acción Cultural Española na que é posible observar as ilustracións das obras Snowhite e Otra vuelta de tuerca. Ademais, o percorrido complétase coa aventura gráfica interactiva «Etharland», desenvolvida con tecnoloxía de realidade aumentada, que permite ter outra visión das creacións desta ilustradora.

Enlaces de interese:
Páxina web de Ana Juan
«Ana Juan. Debuxando ao alén» na páxina web de Acción Cultural Española